Twaŕ pśichodnego nimsko-serbskego šulskego kompleksa we Slěpem póstupujo. Wót togo jo se Techniski wuběrk pśeznanił, kótaregož cłonki su se to twarjenje kóńc apryla woglědali. To jo gronił Steffen Seidlich, wjednik amta za planowanje, twarjenje a górnikojsko za Slěpe.

How nastanjo na wósym hektarjach šulski kompleks, zakładna a wuša šula, awla, biblioteka, sportojska hala a sportnišćo.

Gótowa jo surowa twaŕ (Rohbau) zakładneje šule. We wobłuku wušeje šule su mjaztym betoněrowali sćěny a śpine wjerchy (De­cken). Dalej ryju fundament a gótuju infrastrukturu za wótpušćenje wódy. Dalšne wupisanje jo planowane za sańkowu góru, akle pótom mógu tam zachopiś źěłaś.

Zachopili su ze suroweju montažu (Rohmontage) za wobłuki elektro, topjenje, sanitarne rědy a pśewětšenje (Lüftung). Wjele dalšnych źěłow hyšći buźo. Wšake hyšći wupišu. Lažko njejo, za wšo pśecej fachowe firmy namakaś.

Natwarjenje šulskego kompleksa jo wažny statk, kótaruž su wobzamknuli we zakładnem dogronje (Grundlagenvertrag) mjazy slěpjańskeju gmejnu a firmu Vattenfall z lěta 2008.