Pšyne/Missen. Słynice su na pśedań droge, wótergi teke njejsu fryšne abo njejsu hyšći zdrjałe. Nejžlěpša pomoc jo: Sam tergaś, źož take něco póbituju. W našej bliskosći jo dobra móžnosć w Pšynem abo lěpjej gronjone na póli mjazy Pšynym a Herpneju (Repten). Wót Wětošowa jěźoš nejpjerwjej pśez Herpnu a pótom pśidu te słynicowe póla. Tśi sorty kubła tam Panznerojc swójźba. Lětosa wabje teke z plakatami „Erdbeerland Missen“. A pśedawaju swóje płody budkach na wšakich městnach.

Gaž něchten tam sam terga, płaśi za kilo 2,65 euro. Póbituju teke tergane słynice, ak płaśe 5,40 euro do 6,00 euro, wótwisnje wót togo, wjele kupijośo. Panznerowe lice z tym, až sezona za samoterganje trajo nanejmjenjej až do 24. junija, snaź teke až do 30. junija.

Meldowe pjaku zasej klěb wót swójeje trajdy