Chtož do togo syna wěri, ma to nimjerne žywjenje. Chtož pak tomu synoju njepósłušny jo, ten njebuźo to žywjenje wiźeś. Jan 3, 36

Pśez co sy kśesćijan? Pśez to, až chójźiš do cerkwje? Hejgen tak se pšašaj: Sy ty awto, gaž jadnu noc spiš w garažy? Jo něcht kśesćijan, gaž jo luby a pśijazny, gaž cyni dobre statki a se pśistojnje žywi? Engelski pisaŕ C. S. Lewis jo raz pisał, až ze słowom kśesćijan jo se stało to same ako ze słowom gentelman. „Słowo gentelman jo měniło zaprědka cłowjeka husokego rodu, ak nosy familijowy wopon a ma grunty. Gaž něcht jo hordował gentelman pomjenjony, ga njejo to był kompliment, ale pomjenjenje fakta“.