Ze Slěpego/Schleife. Nowy Miłoraz dej se twariś na gruntach pódpołnoc wót Slěpego – mjazy Lěskojskeju drogu, Dźěwinskeju drogu a kjarchobom. To jo wobwěsćiła wałtoru tyźeń gmejnska rada. Wóni su wobzamknuli, až dej se wuźěłaś plan za wobtwarjenje tych gruntow. To wobzamknjenje njejo se stało jadnogłosnje: jaden cłonk rady jo zgłosował pśeśiwo a jaden jo se głosa zeźaržał. Slěpjańska gmejna jo za to planowanje zagronita, kosty buźo njasć LEAG – jo dał k wěsći Jörg Funda, zastupny šołta. Wuźěłanje plana buźo jadnab jadno lěto warnowaś. Hyšći 2019 deje se grunty k wobtwarjenju pśigótowaś, chopiś twariś by mógali 2020.