Z Bórkow/Burg. Fotograf Peter Becker z Raduša jo njeźelu tyźeń pśewjadł drugi źěł swójogo Fontanowego foto-workshopa (wót prědnego jo Casnik južo pisał). Rozmjej, 15 hobby-fotografow su pód jogo nawjedowanim cakali na Theodora Fontanego (1819‒1898), togo znatego pisarja, kótaryž jo njeźelu drogował pśez Błota. To se wě, až ten pšawy Fontane jo dawno njabogi. Wón pak jo we swójich knigłach Wanderungen durch die Mark Brandenburg z lěta 1882 kradu wopisał swójo drogowanje: pó cołnje z Lubnjowa na Lědy, Lipje a do Bórkow a ku gólnikarni na Dubjem (źinsa: Hotel Eiche).