Z Luboraza/Lieberose. Slědny tyźeń pónjeźele su woborniki starcyli zasej na nowy wogeń we bliskosći Bělina. Wóni su tam kontrolěrowali wogeń wót pjerwjejšnego tyźenja. Wognjowa wobora pšosy wó to, aby njejězdźili do góle nutś. Woborniki ga su tam šlawchy połožyli, aby mógali wogeń gasyś. Jo se južo stało, až awta su je dokusow spórali. Pśi takem suchem wjedrje jo tak a tak zakazane do góle jěś.

W luboraskej góli jo se lětosa cesto paliło. Wósebnje pótrjefjone su byli strony, ak zastoj Załožba źiwych krajinow (Stiftung Naturlandschaften Brandenburg), źož jo se jadno bagno zapaliło. Gaž bagno se pali, jo zgubjone. Wóno njedajo se zagasyś a njebuźo zasej wót nowego nastaś.

Južo pjerwjej jo se pokazało na dalšny problem: Luźe jězdźe ilegalnje z kwadami pó tych płoninach. W luboraskej góli su južo łoni taku kupku luźi łapili a policaji zjawili.