Z Chóśebuza/Cottbus. Z 22.000 woglědarjami jo měł 28. festiwal za pódzajtšnoeuropski film lětosa zasej rekord woglědarjow. Myta za preměrowane filmy su měli wusokosć wót nagromadu 80.000 euro.
Teke rěd Heimat/Domownja, źož pśedstajaju regionalne a serbske filmy, jo był lětosa zasej wuspěch. Někotare tych pśedstajenjow su byli wupśedawane a su wubuźili zajm wjele wěcej luźi, ako maju městno we małem obenkino.
Pśesegajuce ze serbskego wiźenja su byli lětosa słowjeńske filmy. Režiserka Andrina Mračnikaŕ jo filmowała, kak stare luźe su wulicowali wót swójich nazgónjenjow ako słowjański lud w Awstriskej. Serbskemu publikumoju jo było stysno (beklommen), ako su z kina wen šli. Wósebnje fakt, až stare luźe we filmje gronje, až maju źinsa hyšći tšach, až budu te pšawicarske jim zasej tšašne wěcy napóraś, wubuźijo pla Serbow emocije. Pódtłocenje a samo znicenje togo luda jo šło tak daloko, až su załožyli trupy partizanow.