Dopomnjejmy se: Lětosa w nalěśu jo to była wjelika tema na zgromaźinje dolnołužyskeje Domowiny. Młoźina organizěrujo se rada spód banarjom Domowiny, ale młode luźe njenamakaju pózdźej, gaž njejsu wěcej we młoźinje, drogu do Domowinskeje kupki we jsy. Co cyniś, aby jich njezgubili a aby w Domowinje wóstali? To pšašanje smy stajili gano našej praktikantce, Kušcyc Šarlośe z Dešna, wjednicy dešańskeje młoźiny a ju pšosyli wó komentar.

W měrcu jo Casnik pisał, až jo śěžko młodych luźi do Domowiny dostaś, gaž wóni njejsu wěcej we młoźinje. Snaź jo to tak, dokulaž wjele młodych luźi njama žednogo zdaśa, co Domowina cyni.