Ryby mógu we rěce zasej tam a znak wandrowaś

Von Gregor Wieczorek Mittwoch, 09. Januar 2019
Pśetwarjone pušćadło z trepami za ryby pla Smogorjejskego bonhofa, tam, źož Połnocny kanal a Małksa (na kórśe Großes Fließ) se makatej. Derje móžośo wiźeś nowe trepy, pśechody, pśez kótarež ryby mógu pušćadła pśewinuś ( na kórśe „Verbindung“ pomjenjone). Foto: z archiwa F. Friedricha

Z Hochoze/Drachhausen. Ryby mógu zasej wandrowaś tam a znak we Połnocnem kanalu a z kanala do Małkse a znak. To jo serbskim rybakarjam wulicował sobotu na jich głownej zgromaźinje eksperta Frank Friedrich z Woltersdorfa pla Barlinja we swójom fachowem referaśe. Wón jo rozkładował, kak funkcioněruju nowe trepy za ryby pla Smogorjowa, źož Połnocny kanal (Nordumfluter) se maka z Małksu. Małksa běžy tudy pód Połnocnym kanalom we pódzemskej renje, a teke kanal sam jo na tom měsće gaśony pśez wjelike pušćadło. Hyšći pśed dwěma lětoma njejsu ryby mógali te zadory pśewinuś. Ale kraj Bramborska jo to pušćadło łoni kradu pśetwarił, a to jo se stało we ramiku wjelikego masterplana za Sprjewju, źož jo wustajone, až ryby deje móc zasej mimo zadorow rěku górjej a dołoj wandrowaś.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 18,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen