Jadnaju se wó dalšne financěrowanje załožby

Załožba za serbski lud jo wótwisna wót statnych financow. Wóna ga njama swójske zamóženje (Vermögen) abo dosć swójskich nabrankow. Lětosny etat wopśimjejo 18,6 mio euro. We toś tej wusokosći su wujadnali etat załožby pśed tśimi lětami. Wón płaśi až do 2020. Financěrowanje Załožby za serbski lud jo póstajone w financnem dogronje, ako płaśi ga pěś lět.

Južo něnto zachopiju se rozgrona a jadnanja wó to nowe dogrono, ako dej płaśiś wót lěta 2021. Wó tom jo informěrował na pósejźenju Serbskeje rady Clemens Neumann wót bramborskego kulturnego ministarstwa. Prědne rozgrono buźo 28. januara ze zastupnikami Bramborskeje, Sakskeje a Zwězka.

Procuju se wó ceptarku w Picnju