Z Pódstupima/Potsdam. 35. pósejźenje Rady za nastupnosći Serbow w Bramborskej njejo wobraźiła zjawnosći wjelicke sensacije. Ale jadna tych temow jo luźi, kenž se angažěruju za rewitalizaciju našeje rěcy, rozgóriła. Jo se ga pokazało, až transport wuknikow do serbskeje šule, kótaraž lažy zdalona wót bydlenja wuknice abo wuknika, hyšći njejo rědowany.

A to, rownož wó tom se powěda južo tak dłujko, ako wobstoj Witaj-projekt. Tam ga jo cesto tak, až muse wukniki na jadnu šulu hyś, kótaraž njejo ta nejbliša. W prědnych lětach jo se procował tegdejšny wjednik Witaj-centruma Kito Ela wó wósobinske wolažcenje pótrjefjonych familijow. Tak na pśikład za Šramojc familiju z Gołbina. Wjele lět jo jězdźiła Astrid Šramomowa kuždy źeń dwójc do Žylowa, aby swójima źowkoma zmóžniła Witaj-wucbu.

Mjaztym smy swěśili 20. jubilej wobstaśa Witaj-projekta. Ale problem transporta wuknicow a wuknikow bóžko doněnta njejo we takej měrje rědowany, aby za kuždego funkcioněrował.

Wokrejs jo wótpokazał pšosbu wó transport