Nowe wudaśe serbskego kulturnego casopisa jo k nam dolěśeło. Comy glědaś, co jo zajmnego pódla – wósebnje za Dolnoserba.

Wót Juliana Nyče jo nejpjerwjej namakaś artikel „Wósudne lěto?“ Tam wón reflektěrujo 1919 ako „pśisudne lěto“ Nimskeje, źož su w juniju pódpisali dogrono we Versaillu. Pěś mjasecow do togo, dnja 5. februara 1919, jo Arnošt Bart na měrowej konferency w Parisu pśepódał serbski memorandum za samostatnosć a samozarědowanje. Toś mysli se Nyča na to, až 100 lět pótom wšak mamy Serbski sejm, ale až njewěmy kak pójźo dalej w sakskem a bramborskem parlamenśe. Wšak budu we nima lětosa wólby – glědajucy na to docakujo młogi, až teke 2019 buźo pśisudne lěto.