Skóro budu zagronitego za serbske nastupnosći połnje pśistajiś

Von Gregor Wieczorek Donnerstag, 14. März 2019

Z Lubina/Lübben. Parlament wokrejsa Damna−Błota (Dahme-Spreewald) jo srjodu pśed dwěma tyźenjoma wobzamknuł pśeměnjone głowne wustawki (statut za wokrejsne zastojnstwo). Do nich su zapisali, až wokrejs dej měś pśistajonego zagronitego za serbske nastupnosći. To wobzamknjenje jo se stało jadnogłosnje − jo Casnikoju gronił Dieter Freihoff, we cesnem amśe zagronity za serbske nastupnosći we wokrejsu Damna-Błota. Něnto źěła se na zjawnem wupisanju togo źěłowego města.

K dopomnjeśu: Bramborski parlament jo 2018 wobzamknuł pśeměnjonu Serbsku kazń, źož jo wóttychměst wustawjone, až zagronite za serbske nastupnosći we wokrejsach deje byś połnje pśistajone, a až kraj Bramborska buźo te kosty njasć.

A hyšći jadnu wěc su we nowych wustawkach pśeměnili: mjenja jsow a gmejnow, ako laže we serbskem sedleńskem rumje, su tam něnto oficielnje na nimske a serbske napisane.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen