Moller ako botanikaŕ

Von Gregor Wieczorek Donnerstag, 14. März 2019

Albin Moller jo zestajał we lěśe 1582 lisćinu ze 240 zelami a rostlinami: „NAMENN DER VORNEMBSTEN ARTZNEYKRÄUTER IHNN LETEINISCHER, DEUTZSCHER UNND WENDISCHER SPRACHEN...“. Wót togo jo wulicował Jens Martin z Pódstupima, awtor słownika serbskich rostlinowych mjenjow, kótaryž jo tu lisćinu za swóje knigły teke wužywał.

Moller jo zběrał mjenja rostlinow na pógónjenje Leonarda Thurneyssera (1531-96), kótaryž jo wót lěta 1571 źěłał ako gójc na dwórje bamborskego kurwjercha Johanna Georga. Thurneysser jo źěłał na 10-zwězkowych zelowych knigłach. A wón jo Molleroju dał nadawk, aby za njogo mjenja rostlinow wuzgónjował.

Pśez pśirownanje z drugimi, pózdźejšymi žrědłami jo Jens Martin wuznał, až jadnab 160 mjenjow jo awtentiskich, z luda. Mjazy nimi namakaju se mjenja kaž rot(w)ica (pla Mollera Rohtytze) ‚Rainfarn‘, kósćiwadło (Kussy wadle) ‚Beinwell‘, cerwjeny muš (Zerwony Mys) ‚Acker-Gauchheil‘, woman (Hohmann) ‚Echter Alant‘, kótarež su teke hyšći źinsa na jsach znate.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 18,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen