Dr. Hans-Jürgen Sievers jo njabogi

Von Trudla Malinkowa Donnerstag, 28. März 2019
Dr. Hans-Jürgen Sievers 2010.   Foto: C. Knappe

Dr. Hans-Jürgen Sievers, dłujkolětny faraŕ reforměrowaneje wósady w Lipsku, jo njabogi. Pó śěžkej chórosći jo wumrěł 13. měrca w Lipsku. Wón jo był 75 lět stary.

Dr. Sievers jo pochadał z Bramborga (Brandenburg/Havel). Wót 1974 do wuměńka w lěśe 2005 jo był faraŕ w Lipsku. Šyršej zjawnosći jo znaty z casa měrneje rewolucije. W nazymje 1989 jo wótcynił reformowanu cerkwju blisko měsćańskeg centruma pśi droze Tröndlinring za měrowe módlenja a demonstranty. 9. oktobra 1989 jo pušćił žurnalista do cerkwje, wót źož stej filmowałej pónjeźelsku demonstraciju z 9.000 wobźělnikami. Wobraze su pśiglědarjam na cełem swěśe pokazali, až era socializma w DDR se kóńcoju chyla.

Pó pśewrośe jo Hans-Jürgen Sievers z promštom Friedrichom Magiriusom w prědnych mjasecach lěta 1990 moderěrował lipšćańske „Kulowate blido“. Wó swójich dožywjenjach w casu pśewrota jo napisał „Stundenbuch einer deutschen Revolution“.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen