Špruch nowembra 2021 jo: Ten Kněz pak chylaj waše wutšoby k Bóžej lubosći a k sćerpnemu docakanju Kristusa. (2.Thess.3,5)

Gaž jaden pśejźo pó parku, abo pó měsće – tam a zas nadejźo póznaśe lubosći. Na sćěnu namólowane, zacerjone do škóry boma, tak jo wiźeś wutšoba z pismikoma, tej symbolizěrujo mjeni zalubowaneju. Zalubowane a jich lubosć – wóni kśě źaržaś swóju gluku. Jeje zwězanosć ma znanki: sćěnu abo bom, kótaremuž ta wutšoba źo „pód kóžu“. Zwězanosć w lubosći dej traś, rosć a mócna byś – ako bom rosćo a jo mócny. To jo žycenje, naźeja a pšosba pórika.

Lubujuce. Tam jo na jadnom boce to styskanje za spódobnosću. Na drugem boce jo to póžedanje, wót swójeje lubosći wulicowaś, aby něcht na nju źiwał. Hyšći žednje njejsom wiźeła wutšobu, źož jo k tomu było lazowaś słowo „BOG“. To někak jo škóda. Wótergi nadejźom wjelike plakatowe sćěny, źož stoj prowokantnje a teke „plakatiwnje“: „Jezus Tebje lubujo“.

Ten Kněz pak chylaj waše wutšoby k Bóžej lubosći a k sćerpnemu docakanju Kristusa.