Z Hainewaldego/Hainewalde. Wót pětka, 22. oktobra, až do njeźele, 24. oktobra, jo se wótměł Serbski ewangelski kóńc tyźenja (SEKT) w Žytawskich górach w Hainewalde na tamnjejšem Eurohof. Pó połtera lěśe su se familije znowa mógali zmakaś k wjasołej serbskej gromaźe, aby spiwali, rozmyslowali, grali a drogowali. Organizěrowało jo kóńc tyźenja Serbske ewangelske towaristwo (SET) z jogo pśedsedarjom Matom Krygarjom, póchadajucym z Picnja, a Serbska promštownja z promštom Christophom Rummelom a sobuźěłaśeŕku Dianu Pašcyneju. Pśijěło jo 36 luźi, z togo jo było 22 źiśi a młodostnych wót źewjeś mjasecow až do starstwa 15 lět.