Serbski pěsnaŕ Bernd Pittkunings jo njeźelu wjacor wustupił w Dešańskej cerkwi. Foto: K. Kušcyc 
Z Dešna/Dissen Swětkownicu su tek w Chóśebuzu wótwórili Bóže domy na „19. Noc wótwórjonych cerkwjow“. Tudy jo se dogromady źaseś cerkwjow wobźěliło, teke katolskej cerkwi a nowoapostolski Bóžy dom a Dešno. Moto jo było „Cerkwje su wótwórjone rumy za wše!“, a toś jo kužda cerkwja, kótaraž jo pódla była, wósebny program pśigótowała. Stakim su wóni dali doglěd do wšednego dnja wósady.
stwórtk, 21.11.2024
