Trudla Malinkowa cyta z knigłow „Serbske pomniki“ wurězk wó rowach Jordanojc familije na kjarchobu w Popojcach.

Z Města/Chóśebuz. Trudla Malinkowa jo nimsku wersiju swójich knigłow wó serbskich pomnikach „Sorbische Denkmale“ srjodu, 19. oktobra w Serbskem muzeju pśedstajiła. Skóro 17 luźi jo jej narskich pśisłuchało, ako jo wulicowała, kak knigły su nastali pó póstarku Maćiceje Serbskeje a w ramiku projekta Serbskego instituta. Cil togo projekta, kenž jo se 2000 zachopił a trał až do 2020, jo był, registrěrowaś zjawne materialne znankstwa serbskich kulturnych stawiznow. Južo w lěśe 2019 jo wobźěłaŕka togo slěźenja, Trudla Malinkowa, górnoserbske knigły „Serbske pomniki“ z wuslědkami swójogo slěźeńskego źěła wózjawiła. Nimska wersija něnto jo pak wobšyrnjejša a wětša ako serbska, a se wě ako knigły „Serbske pomniki“ z lěta 1965 wót Jurija Młynka, kótarež su byli zakład za źinsajšne knigły.