Z Budyšyna/Bautzen. Maśica Serbska (MS) jo z konferencu „Wědu šěrić – Wissen schaffen – Wědu šyriś“ swěźeńske lěto ku góźbje 175. jubileja załoženja towaristwa dokóńcowała. „Jubileje su teke dobra góźba, aby póglědali slědk do zachadnosći“, jo pśedsedaŕka Anja Pohončowa groniła 25. nowembra, ako jo wuwitała 40 gósći w zalu budyšyńskego Serbskego domu.

Program konference jo wopśimjeło 15 pśinoskow. Blokam jo se groniło „Pśedstawizny“, „Wózroźenje Maśice Serbskeje a mjazynarodne póśěgi“ a „Statkowanje Maśicnych cełkow“. We stwórtem źělu su byli referaty a diskusije wó „Wupominanju do pśichoda“. Pśednoski deje se w zběrce publicěrowaś.