Z Barlinja/Berlin. Slědny kóńc tyźenja apryla jo se zmakało 20 študentow teologije cerkwje EKBO (Ewangelska cerkwja Barliń–Bramborska–šlazyńska Górna Łužyca) w „Domje Kreisau“, ewangelskem kubłanišću za młodych na pśibrjogu Habole k swójomu nalětnemu konwentoju študěrujucych. Ako študent abo študentka ewangelskeje teologije pśisłušaś wósebnej lisćinje krajneje cerkwje. Z tym su teke zwězane wšake winowatosći, kótarež študent dej cerkwi napśeśiwo wu-gbaś, aby se pótom pśiwzeł do wikariata. K tomu słušaju te nalětne a nazymske zejźenja konwenta. Kóńc apryla jo se wótměło nalětne zmakanje konwenta študěrujucych EKBO. Na njom njejsu byli jano zajmowane młode luźe, wósebnje zajmna jo teke była tema, ga: „Cerkwja wjelerakosći“. A napšawdu se wjele tšoj w našej krajnej cerkwi. Wjednistwo studija jo teke kśěło, až študěrujuce wěcej zgóniju wó Serbach. Tak smy se sobotu na nabóžninje zgromadnje módlili serbski Wóścenas a wšykne su dostali zaśišć wó rědnosći dolnoserbskeje rěcy. Pótom jo šło na workshopje wó to, byś faraŕ w pódpołdnju Bramborskeje.