Kóńc julija jo wóswěśiła dr. Doris Teichmannowa swój 90. narodny źeń. Serbska promštowka Katharina Köhlerowa jo jej wósobinski pśepowdała w juliju glukužycenja źěłoweje kupki Serbska namša. Tyźeń jo k njej w Barlinju woglědał teke Hartmut S. Leipner a cełe wótpołdnjo se žywje rozgranjał z teju hyšći wjelgin angažěrowaneju rentnaŕku. How jo mały wurězk z rozgrona, kenž jo na wětšy źěl nimski było.

Kak se tebje źo?

Slědny tyźeń som była w chórowni. Som dostała stimulator wutšoby. Tšochu hyšći bóli, ale howac mě se derje źo. Něnto móžom zawěsće 100. narodniny dožywiś.

To by tebje žycył. Gaž glědaš slědk na swójo žywjenje, co tebje ako prědne do mysli pśiźo?