Z Města/Cottbus. Sobotu, 30. septembra, jo pśewjadło Wobydlaŕske towaristwo z.t. Chmjelow tśeśi źěl swójogo rěda „Casowe drogowanja pó Chmjelowje“. Tenraz jo to było wjeźenje pó chóśebuskem pódpołnocnem kjarchobje.

Něźi 100 zajmcow jo se how pśinamakało. Michael Meyer wót wobydlaŕskego towaristwa – wuwucony archeolog, kenž tuchylu w ramiku projekta „Zorja“ w Dešnje serbsku rěc wuknjo – jo je pó kjarchobje wjadł, jo wó historiji kjarchoba a pśedewšym wó how zakopanych zajmnych wósobinach powědał. Dnja 20. nowembra 1870 jo se pódpołnony kjarchob wuswěśił, jo se 1892 prědny raz a 1929 drugi raz rozšyrił. Pópšawny plan jo był, až pódpołnocny kjarchob buźo centralny kjarchop wót Chóśebuza, ale dla malsnje roscecego města jo se wopokazał, až wón za to pśemały jo. Tak jo Město jo južo 1900 zapołoženje źinsajšnego pódpołdnjowego kjarchoba wobzamknuło.