Buźćo pak pśece gótowe k zagronjenju kuždemu, kenž wót was wěstosć póžeda teje naźeje we was. 1 Petr 3,15 (E) 1980 som šła na studium teologije do Barlinja na statnu Humboldtowu uniwersitu. Casy su mě pšašali, dla cog njestuděrujom na cerkwinem rěcnem konwikśe. To ga by se wěcej pórucyło ako statna uniwersita. Móžno. Ale som sebje groniła, pózdźej musym zawěsće teke napśeśiwo statnym městnam na wše pšašanja wótegroniś. To ga móžom pón juž intensiwnje zwucowaś. Pśeto tek my „teologi“ smy měli „marxizm-leninizm“ na góźinskem planje.