Jadna stacija pśi jich młoźinskem zapusće jo była dobrowólna wognjowa wobora w Pśiłuku. Młode žeńske we swěźeńskich drastwach njejsu mógali se togo zeźaržaś, teke how swóje kóšule wobwjertaś. 
Z Pśiłuka/Preilack. Wjas Pśiłuk słuša k Picańskemu amtoju a twóri z Turnowom wót 2001 jadnu gmejnu. Pódla wognjoweje wobory, drastwineje rejowańskeje kupki a sportojskego towaristwa jo dało w Pśiłuku teke aktiwnu młoźinu. Ta jo wót zachadnego lěta teke cłonk Domowiny. We tej młoźinje dajo jadnab 40 cłonkow. Nic wšykne pśidu ze samego Pśiłuka, ale wšykne su wusko z tudskeju młoźinu abo z Pśiłukom zwězane a woplěwaju serbske nałogi. Wšo we tom zwisku maju na wócyma styri gólcy wót młoźinskego wjednistwa: Steffen Haas, Markus Krüger, Jonas Glode a Philipp Schwietzer. Nadawki w pśedsedaŕ- stwje su mjazy nimi jasnje rozdźělone a wóni mógu se jaden na drugego spušćiś.
Kóńc januara se wugnawa zyma
