Zajtšne piwko 1. maja pód majskim bomom ma južo dłujku tradiciju w Zaspach a jo tek tenraz wjele luźi pśiwabiło.

Slědne dny apryla su wšuźi we łužyskich jsach pilnje wili girlandy za majske bomy. W pódpołdnju su se teke pśigótowali kopice roždźa za chódotypalenje. Wótpalili su se šćěpišća na pśedwjacorje prědnego maja, to stajanje majskich bomow jo se stało pak 30. apryla, pak prědnego maja.

Trjebin/Trebendorf

Na Šusteroc dwórje jo se 27. apryla 30 pomocnikow pśinamakało, aby wili girlandy za bom a kronu. Sobu statkowali su młode a rentnarje, wšykne starstwowe kupki. Wšykne trjebinske towaristwa su se wobźělili. Až do 1. maja jo se krona hyšći z bantami w serbskich barwach – módre, cerwjene, běłe – wupyšniła. Za pójědank na Šusteroc dwórje su wupjakli žeńske Domowinskeje kupki tykańc a su wobscynjone skiby pśigótowali.

Pó tradiciji se how staja majski bom pśed twarjenim dobrowólneje wognjoweje wobory 1. maja z pódpěru muskecych wejsanarjow ze žerźami a mócu musklow. Wjacor do togo jo se pśi jawišću pód gołym njebjom chódotypalenje wótměło.

Rowne/Rohne