Trudla Malinkowa: W maju jo to 25 lět, až jo se towaristwo Ponaschemu załožyło. Co Wam ako pśedsedarja slobrany jubilej wóz-namjenjujo?

Uwe Gutšmidt: Ako smy Ponaschemu załožyli, som z manźelskeju tamkor jěł. Pśepšosenje som dostał wót Jura Frahnowa, serbskego prjatkowarja z Picnja. Žycenje, až tam sobu cynim, jo pśišło z wósady Wjerbno. Na zachopjeńku smy byli cysto lutherske towaristwo. Smy wěźeli, až Domowina to njezwónoźijo z rewitalizaciju dolnoserbšćiny. Domowina njejo witała a njewita nas. Smy kśěli jano pomagaś, ale samostatne wóstaś. Pśi nas Budyšyn njama wliw, dokulaž młoge w Dolnej Łužycy maju z tym problem.

Towaristwo jo se 21. maja 1999 we wósadnej rumnosći we Wjerbnje załožyło. Jo Ponaschemu cerkwinske abo nabóžne towaristwo?

Se wiźimy sami ako žywy źěl serbskeje wósady w diasporje. W běgu casa jo wjele maminorěcnych cłonkow wumrěło. Mamy nowe cłonki, ako powědaju serbski abo su pśijaśele dolnoserbšćiny. Pó wustawkach móžo teke ateist abo katolik pśi nas cłonk byś, gaž naše demokratiske wustawki pśipóznajo.

Cogodla jo se towaristwo załožyło?