Kótare artikele wopśimjejo junijowe wudaśe Płomjenja?
Jańske rejtowanje jo na pśikład tema w nowem casopisu. Ja som była łoni w Kózlem, źož se nałog kužde lěto wokoło dnja Jana w juniju woplěwa, som tam rědne fota cyniła a tu serbsku tradiciju źiśam w nowem wudaśu pśedstajijom. W dalšnem artikelu źo wó UNESCO-městna we Łužycy. Sobuźěłaśeŕka projekta UNESCO 5 pišo mjazy drugim, co mógu źiśi w biosferowem rezerwaśe Błota a Mužakojskem parku dožywiś. W Płomjenju cytamy teke artikele wó jadnom cerkwinem swěźenju, wó mjazynarodnej show lětadłow a wó dožywjenjach našeje awtorki na kupje Mallorca.
W Płomjenju maśo ako pśecej zwucowanja a teke memory-seriju, wokablowe kórtki, žorty ... Co cośo hyšći do rady daś?