Z Města/Cottbus. Mjazy dolnoserbskimi rěcnymi rumami pśedstaja Serbske blido Serbskego muzeja južo wót 17 lět wósebne wobogaśenje. Z nim jo jogo iniciatorka, kuratorka Christina Kliemowa, twóriła jaden format, kenž bitujo wěcej ako luty pśednosk, rozmjej žywe rozgrona w serbskej rěcy – tak až rěc stoj w srjejźišću, pśi tom teke zgromadnosć. Šesć raz wob lěto pšosy muzej na take rozgrona, teke w casu pśetwarjenja muzeja jo se to dalej wjadło. Wupadnuło jo Serbske blido jano raz w casu korony, a młogi raz jo se wóno digitalnje wótměło.