To jo był wjelgin impozantny wobraz: Na Knievsbergu su se dali wšykne mustwa gromaźe wótmólowaś. A janšojske spiwaŕki su se to teke wóglědali. Fota: Horst Adam 
ZJanšojc/Jänschwalde/Flensburga. Za kuždeju noweju wěcu stoj za wětšy źěl nejpjerwjej jadna ideja. Teke za to, až jo se 60 młodych a staršych luźi z Janšojc wudało gano na dłujku drogu. Wót 2. do 5. julija su se wupórali do Flensburga a do friziskich a dańskich městaškow blisko wjelikego města pśi Baltiskem mórju. We wjelikem busu njejsu jano sejźeli cłonki znateje janšojskeje dujaŕskeje kapały, cłonki tamnego žeńskecego a muskecego chora a janšojskeje wjelikeje Domowinskeje kupki a žedne dalšne wobydlarje, ale we njom su teke lažali instrumenty a serbske drastwy.
Kak jo k tomu pśišło? Rosi Tšukowa, głowna organizatorka teje jězby a pilna pśedsedaŕka tamneje Domowinskeje kupki a nowa wjednica janšojskego wejsnego muzeja, jo to tak rozjasniła:
