Z Rězakow/Mühlendorf. Ned pó stajanju majskich a swětkownych bomow jo ta abo druga młoźina zachopiła rejtowaś. Jadna z nich jo bórkojska, wóna swěśi swójo tradicionelne łapanje kokota njeźelu, 28. julija, na droze do Waldschlösschena. Z tym buźo njeźelu jadno wót nagromadu 20 łapanjow kokota lětosa w Dolnej Łužycy. Z kónimi pak bźez kokota jo měł zasej wjas Kózle z Jańskim rejtowanim zachopk tych žnjownych nałogow. Teke bźez kokota, ale z kónimi pśewjedu rejtowanje wó kołac njeźelu, 4. awgusta, w Nowej Niwje. Wobej jsy stej jadnučkej, kótarejž toś tej nałoga hyšći woplěwatej.

Pón su hyšći někotare jsy, kótarež zabijaju kokota. Z kokotom pak mimo kónjow, pokažotej sobotu, 10. awgusta, młoźina ze Smogorjowa a 7. septembra młoźina z Gór toś tu drugu wersiju kokota.