Z Města/Cottbus. Chtož pśiźo něnt do Serbskego domu na Bebelowej droze w Měsće a co tam do Lodki, do serbskeje kulturneje informacije, woglědaś, ten stoj pśed zacynjonymi źurjami. Žeden źiw, Lodka ga jo pśeśěgnuła, dokulaž kśě ju w pśiducych mjasecach docełego nowo wugótowaś a wutwariś. Lice z tym, až to trajo nanejmjenjej až do kóńca togo lěta.

Lodku namakajośo něnt na samskej droze, jaden dom dalej, z numerom 81. Wót slědnego tyźenja jo wóna tam wótcynjona, wót pónjeźelego až do pětka, kuždy źeń wót zeger 10:00 do 16:30. A telefoniski numer jo teke wóstał: 0355 / 485 76 468, rowno tak: .

Milena Stockowa a Sandra Mejlojc, ako źěłatej južo wjele lět w Lodce, stej se wjelgin pilnowałej, aby teke w „nowej“ Lodce mógałej interesentam, woglědarjam a kupcam wšykno to póbitowaś, což stej měłej w „starej“ Lodce. Za wšykno pak bóžko njejo było dosć městna we tej wjelikej śpě, na pśikład za woblacenje a za serbsku drastwu. To pak tam matej – chtož za tym pšaša, móžo to wiźeś.