Juro Mětšk: „Zybol woheń duje – Ein feuriges Gefunkel“ – Spiwny cyklus za bariton z pśewodom klawěra na teksty Alojzy Nagela a Salomėje Nėris w serbskem a nimskem pśełožku Frida Mětška

W młoźinskem starstwje 13 lět jo napisał Juro Mětšk (1954–2022) spiwny cyklus za bariton a klawěr. Jogo zamóžnosći su nabejne. Wón jo komponěrował wirtuozne klawěrne sajźby, jo wobkněžył wjelebocny spektrum wurazowych srědkow, jo wužywał južo tegdy bogatu atonalitu a komplikowane rytmy. Twóŕba pósrědnijo widanje jogo pózdźejšych wjelgin kompleksnych kompozicijow, kótarež su interpretow wupominali. Za swóju młoźinsku twóŕbu „Zybol woheń duje – Ein feuriges Gefunkel“ jo Juro Mětšk muziku komponěrował na basni kašubskego spisowaśela Alojzy Nagela, kótarež jo jogo nan Frido Mětšk wót lěta 1966 do górnoserbskeje rěcy pśełožował a wózjawił.

© Załožba za serbski lud

wudawaŕ: Ronald Hein

płaśizna: 15,00 €

Premjeru rewiděrowaneje wersije dožywijośo dnja 29. septembra 2024 zeger 15:00 w Serbskem muzeju w Budyšynje z Ronaldom Heinom (bariton) a Hirotom Saigusu (piano).