Z Města/Cottbus. W ramiku kompaktnego kursa Šule za dolnoserbsku rěc a kulturu njestoj jano wucba na tyźeńskem planje, ale teke wšake zarědowanja. K tomu słuša serbske blido w Serbskem muzeju. Tema serbskego blida jo k aktualnej wustajeńcy „Drastwa a moda“ pasowała. Tak jo wokoło 30 luźi wó burskej drastwje a jeje pśeměnjenju diskutěrowało. Na dwórje muzeja, źož jo był pśed tyźenjoma tšanterowy mark, stej wulicowałej nejpjerwjej referentce Romy Rufowa (pśiduca zagronita za serbske nastupnosći w SPN) a Rahel Zelnakec (studentka sorabistiki), kótary wuznam ma drastwa za njej. Tak jo była drastwa za Rufowu gromaźe z kulturu pśistup do serbskego swěta a jo źěl jeje identity. Zelnakec nosy górnoserbsku katolsku drastwu južo wót źiśetstwa a wiźi drastwu ako komunikaciski symbol, za kótaryž dajo wósebny kontekst. To wobkšuśijo Kathrin Urbanscyna, kótaraž jo cłonk pśedsedaŕstwa spěchowańskego towaristwa Serbskego muzeja a wiźi drastwu teke ako wuraz serbskeje identity. Wóna jo wobraze pokazała a wulicowała, kótare źěle drastwy ku kótarej góźbje pasuju, n.p.