Styri stacije su na Dwórje Sprjewinego ługa na źiśi cakali. Lubosnje jo se wšo pśigótowało a pśewjadło wót cłonkow Pśirodowědnego centruma Sprjewiny ług z.t. (Naturkundezentrum Spreeaue e. V. ). Fota: K. K. 
Z Dešna/Dissen. Za drugi prozninski tyźeń jo se Pśirodowědny centrum Sprjewiny ług z.t. w Dešnje něco wósebnego za na pśiroźe zajmowane źiśi wumyslił. Srjodu, 24. julija, su mógali źiśi w tśich góźinach styri stacije na Dwórje Sprjewinego ługa wótchójźiś. Pśi stacijach jo se wšykno wjerśeło wó domorodne bomy, wó žywjenje na łuce, wó žywjenje we wóźe, a wó wjasela pśi baslenju.
srjoda, 30.10.2024
