Z Hažowa/Haasow. To jo se stało w lěśe 1962 w Hažowje, w tej jsy we wjelikej gmejnje Kopańce (Neuhausen). Tencas su how slědny raz kokota łapali, tak pšawje, ako źinsa hyšći w Dešnje, Hochozy abo Drjenowje. Jaden, ako jo tegdy hyšći sobu rejtował, jo Reinhardt Kollaske. „5 abo 6 rejtari smy tencas byli, to su byli wšykno burske kónje ze jsy. Žaby smy teke karowali, źowća su byli, to se wě, wšykne rědnje serbski woblacone“, se wón domyslijo na ten cas pśed wušej 60 lětami, a teke na to, až jo był dwa raza ten1. kral.

Slědnu njeźelu jo kokot ako wob- lubowany serbski žnjowy swěźeń skóńcnje zasej w Hažowje k wiźenjeju był. We tej jsy ga južo woplěwaju wšake serbske nałogi, ako camprowanje, stajanje majskego boma a wšake tradicije k jatšam. A teke žedne źowća ze jsy su kužde lěto pódla pśi zapustojskich pśeśěgach w susednych jsach, a jaden hažojski „kjarl“ – ga Nick Nowka – sobu rejtujo, gaž młoźina w Mósće kokota łapjo.