Wustajeńca „30 lět Towaristwo za spěchowanje serbskeje rěcy w cerkwi“ (STRSC), drogujo ze Serbskego doma w Chóśebuzu do Serbskeje cerkwje we Wětošowje. Dwójorěcna wustajeńca z wjele wobrazami a historiskimi informacijami wó statkowanju towaristwa se tam na krotkocasne napšašowanje Spěchowańskego towaristwa za Serbsko-nimsku dwójnu cerkwju we Wětošowje w turistiskej sezonje we Wětošowje wót 3. awgusta do 31. oktobra pokazujo. Wustajeńca, kenž jo nastała pó koncepciji Christiany Piniekoweje, wótwórijo se w pśibytnosći něntejšneju pśedsedarjowu towaristwowu Hartmuta Leipnera a Hartmuta Botta njeźelu, 11. awgusta, zeger 14:00. Mimo towaristwowu spěchujotej wustajeńcu Załožba za serbski lud, to groni Serbska kulturna informacija LODKA ako teke Ewangelska cerkwja Barlin-Bramborska (EKBO). Město Wětošow a Serbski muzej Chóśebuz ju tejerownosći pódpěrujotej. Na Dnju wótworjonego pomnika, kenž płaśi ako nejwětše kulturne zarědowanje Nimskeje, se njeźelu, 8.

Njezalogujośo-li se, ga buźośo móc jano małki źěl artikela wiźeś.