Z Gołbina/Gulben. Prědne seśowe zmakanje (Netzwerktreffen) jo to było, a zawěsće nic to slědne. To jo pokazało to zarědowanje 4. septembra w zgromadnem wejsnem domje w Gołbinje. Pótrjeba jo dana a to we pśisamem kuždej starstwowej kupce a w kuždem regionje. Slědnu srjodu stej pśepšosenjeju Astrid Šramineje a Roberta Engela wót Dompro a Dolnoserbskeje kulturneje akademije, wušej 30 žeńskich a muskich slědowało.

Cil zmakanja jo był, až se aktery ze sobu do zwiska staje, aby wědu a nazgónjenja wuměnjali, aby tipy a pomoc dostali, rucne źěło se spěchowało, kružki a kupki za rucne źěło se pódpěrali, mustry a techniki se zdźaržali.

Robert Engel jo se to wšo pśedstajił w ležernej atmosferje, tak až jaden jadnorje k drugemu pśistupijo. Z wugronom Astrid Šramineje jo był lod južo roztajany. „Tak, Robert ga mysli kaž muski...“, z cymž jo wóna smjaśe wubuźiła.