Z Dešna/Dissen. Prědne styri tyźenje laže slězy nas. Dogromady smy – my, ta druga kupka wuknjecych pla rěcnego projekta Zorja – jadnasćo wobźělnikow a wobźělnicow. Jolic se źiwaśo, až pišom „my“ – sama ga som tejerownosći nowa Zorjacka.

W prědnych dnjach smy se wšykne wopóznali a smy pśi tom pśecej wót dolnoserbskeje rěcy wobdane byli. Něnto se južo pitśku lěpjej znajomy, wěmy, kótaru nejlubšu barwu ten jaden abo drugi ma, lěc naše awta maju mjenja, kak se groni źiśam a co se tak na kóńcach tyźenjow pla kuždego tšoj. Take něco mjaztym pśisamem wšo dolnoserbski rozmějomy a my to powědamy we tej měrje, ako jo to za kuždego móžno. W našej kupce rozmjej dajo teke rozdźělne rěcne niwowy, ako jo to teke w lětniku pśed tym było. Młoge wót nas su wuchójźili Dolnoserbski gymnazium w Chóśebuzu, druge su absolwěrowali wótere kurse pśi Šuli za dolnoserbsku rěc a kulturu. Druge zasej su se how w rěcnem gnězdźe prědny raz ze serbskeju rěcu pšawje wopóznali.