Z Lipska/Leipzig. Zachadny stwórtk jo Institut za sorabistiku na Lipšćańskej uniwersiśe na wótwórjenje nowego semestera pśe-pšosył nowackow, studentow a gósći ze serbskich institucijow. Pśichwatało jo šesć zachopjeńkarjow z Górneje Łužyce, wót kótarychž tśo na ceptaŕstwo a tśo na bachelor za sorabistiku studěruju. Mimo togo stej se dwě wótnabocnika (Quereinsteiger) za dalejkubłajucy masterski studium dolnoserbšćiny pśizjawiłej, rozmjej wósobje, kótarejž matej južo wobzamknjony pedagogiski studium, ale nic na pólu dolnoserbšćiny. Teke dwa studujucej – jaden z Dolneje Łužyce – stej se za studium europskich mjeńšynowych rěcow rozsuźiłej, kenž Institut za sorabistiku rowno tak pórucyjo. Toś ten pśedmjat wobpśimjejo teke module dolno- abo górnoserbšćiny.