Z Lipska/Leipzig. Z kóńcom lěśojskego semestra 2024 stej dwě wót styrich wótnabocnicow Masterskego studiuma na ceptaŕstwo na uniwersiśe w Lipsku swój studium wobzamknułej. Drugej dwě studentce matej hyšći jadno lěto dalej studěrowaś, dokulaž stej se dla felujuceje pśedkwalifikacije ako ceptaŕka imatrikulěrowałej na Bachelorski studij. To su byli głowne śěžkosći prědnego pśeběga togo studija.
Uniwersita w Lipsku a wósebnje Institut za sorabistiku stej se wjelgin za to zasajźiłej, až wobej wótkubłaŕce smějotej swój studij dalej wjasć a až dostanjotej wótpowědne wótzamknjenje. To jo se raźiło a wobej žeńskej stej Institutoju za sorabistiku za to wjelgin źěkownej. W nowem, drugem pśeběgu, ako se zachopijo w oktobrje, pak take wuwześne rědowanje wěcej móžne njejo, což jo k tomu wjadło, až někotare zajmce za Masterski studij serbšćiny njejsu mógali se wobźěliś. Tak stej w drugem pśeběgu jano dwa studěrujucej.