Golašojc familija we Wjerbnje jo zežněła kulki a samo wjelicki głub
Lube źiśi,
sćo wy južo wašym starjejšym abo starkej a starkemu pomogali na pólu žněś (ernten)? Na pśikład kulki abo marchwicki abo drugu zeleninu? To jo wjelgin śěžke a napinajuce źěło.
Dla togo jo se zmakała Golašojc ceła familija we Wjerbnje, wót nejmłodšego dwělětnego do starkeje z 93 lětami! Nagromadu 20 wósobow! Wóni su se myslili, šym wěcej luźi pomoga, šym malsnjej jo wšo naźěłane. Na pólu jo wujk južo w nalěśu kulki sajźił. Kulki su wob casa lěśa rosli a rosli a... zachopjeńk oktobra su kulki narosli a Golašojc familija jo mógła je kopaś. Wujk jo z trjekarjom na pólu rěd pó rěźe wobjěł. Slězy na trjekarju jo wisała kulkikopawa (Kartoffelroder). Kulkikopawa jo rěd, kenž kulki za trjekarjom ze zemje wen chyśijo.
Pótom su starka, starjejše, wujki a šoty a źiśi kulki zezběrali a je do drjewjanych kistkow połožyli. Jano dwě góźinje su za wšo trjebali. Se wě, až su k wobjedoju łupinate kulki (Pellkartoffeln) z twarogom a lanym wólejom (Leinöl) zjědli.