Ako nosaŕ marki „Błota“ a ako tak pomjenjona Lokalna akciska kupka (LAG) w ramiku LEADER-spěchowanja za region Spreewald-PLUS, zmócnijo błośańske towaristwo južo wjele lět regionalnych producentow a regionalne producentki. Z lětosnym zarědowanim „Błośański źeń górkow“ jo se stwóriło wukładne wokno za produkty z góspodaŕskego regiona Błota.
Prědnu sobotu w awgusće wubuźijo „Błośański źeń górkow“ zajm gósći za Dolnu Łužycu. Což jo narosło k wjelikemu ludowemu swěźenjeju, wrośijo se něnt k swójim kórjenjam. Pśi małem, ale drobnem rušu wóstanjo pó tej wašni zasej wěcej casa póznawaś se ze luźimi a produktami a do rozgrona pśiś.
Z pśeterganjami jo móžno było „Błośański źeń górkow“ južo 23 raz wuspěšnje pśewjasć a wón jo wabił teke nadregionalnych woglědarjow. Za tym, až jo se pśewjadł swěźeń wjele lět w měsće Gólišyn (Golßen), by dejali něnt drugim zmóžniś, rolu gósćinarja pśewześ, aby se hyšći lěpjej wótbłyšćowała wjelerakosć regionalnych produktow a partnaŕstwow. Dla togo su zajmowane komuny wótněnta pšosone, se procowaś ako městna za toś ten swěźeń za lěta 2025, 2026 a 2027.