Z Janšojc/Jänschwalde. Głowna tema slědnego zmakanja młoźinskego aktiwa jo było wugódnośenje lětosnego Superkokota. Nejpjerwjej jo młoźinski koordinator Domowiny, Tobias Unger, swój facit wugronił: „To jo był rědny Superkokot w Dešnje. Gromaduźěło ze jsu a dešańskeju młoźinu jo super klapowało. My smy teke mógli njedostatki slědnego lěta optiměrowaś a změstymi wótpóraś. Za mnjo jo to było raźone zarědowanje.“ Pó měnjenje Tobiasa Ungera su młoźinske šefy ze wšakich jsow tak w cełku źělili. Weto su teke měli někotare kritikiske dypki , na kótarež su pokazali.

Na pśikład jo była cera łapanja kokota pśedłujka a kapała njejo se pó póstajenju měła, jano pón zagraś, gaž nichten njerejtujo pśez fortu. Mimo togo jo była droga wót kjarcmy k sportnišćoju bejnje daloka była a tak to jo było śěžko, cesne wěnce nosyś. Moderaciju su łoni měli za pśeśichu, lětosa pak za pśegłosnu. Wětšyna teke njejo była spokojom z rozrědowanim smugi. Rejtarje by to preferěrowali, gaby źowća stojali z kapału na boku pśiglědarjow.