Ale hyšći źinsa, pó 176 lětach prědnego wudaśa (5. julija 1848), cytaju luźe w Nimskej, Europje a samo pó cełem swěśe naslědne formy toś togo casnika, ga „Nowy Casnik“. Wjele k cytanjeju a spóznaśeju wó toś tom „załožarju“ njejo. Jano na wokołodrogach namakajoš jogo mě a něco wó jogo źěle. Mato Nowka (Matthes Nowke/Matthäus Nowka) jo se naroźił 8. nowembra 1812 w Kózlem (Kahsel) pla Grodka a zamrěł we Łukowje, dnja 25. maja 1864.

Nikodemusowy wangelium – apokryfowe knigły

Cesto a rady slěźim w interneśe za starymi serbskimi knigłami. Z gluku a šykownosću móžoš, a to samo z mało pjenjez, se naźěłaś małe pókłady. Zwětšego ale su to spiwaŕske a biblije. Derje glědaś musyš pak na te wopisowanja. Cesto pśedawaju toś te knigły luźe, kótarež wó tom docełego žedne zdaśe njamaju. To južo cytaš we wopisowanju za spiwaŕske a druge knigły „Wendische oder Sorbische Bibel“. Take zmólki mógu płaśiznu malsnje do wusokosći pśinjasć, lěcrownož tomu docełego njewótpowědujo. Cesto musyš pón wóstajiś take knigły, kótarež by byli za kupca bejnje zajmne, dokulaž by byli pśedroge abo dokulaž njejsy kśěł teliko pjenjez wudaś.