Bastia/Korsika. Pětk wjacor, wót zeger 20:00, wustupijo jazzband Duo LeDazzo ze dolnoserbskim spiwom „Co by nadejšła“, jadneju produkciju serbskego programa w RBB, na Europskem muzikowem wuběźowanju za mjeńšynowe a regionalne rěcy „Leit International“ w francojskem měsće Bastia na kupje Korsika. Francojska telewizija buźo show na swójom sćelaku France3 Corse ViaStella wusćełaś a teke live-stream na swójom webboku france.tv/france-3/corse-viastella/ k dispoziciji stajiś. Wótgłosowaś móžośo toś wjacor teke na webboku sćelaka za nagromadu 13 wuměłcowkow, wuměłcow a band, kótarež jo jury za 14. wudaśe togo zarědowanja za finalu wuzwóliła.