Z Města/Cottbus. „Łužyca“ jo ta wjelika tema togo wuběźowanja, ku kótarejž napomina Dolnoserbska kulturna akademija wuknikow a wuknice sekundarnego schójźeńka I a II wšyknych šulow we wokrejsach Łobjo-Halštrow, Dubja-Błota, Górne Błota-Łužyca a Sprjewja-Nysa kaž teke z bźezwokrejsnego města Chóśebuz.

Daś młodostne worduju kreatiwne a zgótuju – se wuproběrujucy ako designery a designerki – nacerjenja, skice, modele abo něco do togo směra.

„Co jo za was Łužyca?“ – to jo to głowne pšašanje, z kótaregož deje se wobźělujuce wukniki a wuknice swóje ideje zroźiś. Jo Łužyca wěcej ako górki a brunica? Daś se wukniki zaběraju z regionom a snaź teke wuwijaju drugi póglěd a druge wědobnje za swój region.