Z wjelikim zajmom som toś ten artikel cytał. Njerozmějom toś ten tradicionalny awtomatizm. Tśeśa abo stwórta sedyma klasa na Dolnoserbskem gymnaziumje njejo wobgrozenje, gaž šula se z profilom mócujo. Feluju šuli dalšne serbske ceptarje. Felujucy ceptaŕski dorost wobgrozujo serbstwo. Šula ma rosćece problemy, gaž licba cysto nimski powědajucych wuknikow pśiběra. Cogodla? Na šulach města wumrějo serbšćina w dolnem schójźeńku!
Na šuli Ericha Kästnera, tam som ja 1983 serbšćinu zawjadł, jo kóńc serbšćiny, dokulaž serbski ceptaŕ felujo. DSG a druge šule trjebaju pśirost a to malsnje. Normalny studij trjeba pěś lět, pón pśiźo referendariat. Telik casa šule njamaju. Som se z problemom bracha serbskich ceptarjow zaběrał a som wopytał rosćecy problem pragmatiski rozwězaś. Som wó tom tśi basni napisał [Nowy Casnik je how wózjawijo] a to tek ze srědkami pisneje a ludoweje serbšćiny.
