Ze Serbskego domu/Wendisches Haus. Domowinska župa Dolna Łužyca pśewjeźo swóju pśiducu głownu zgromaźinu 28. februara 2025, a to w Žylowje w tamnem sportaŕskem gósćeńcu. To su slědny tyźeń na pósejźenju župnego pśedsedaŕstwa w Serbskem domje k wěsći dali. Na pśiducej głownej zgromaźinje kśě wuzwólowaś nowe župne pśedsedaŕstwo z maksimalnje 12 cłonkami a teke pśiducego župana abo županku. Pśedsedaŕstwo by se wjaseliło, gaby se juž w pśiducych tyźenjach cłonki z kupkow a towaristwow namakali, kenž by kśěli w nowem župnem pśedsedaŕstwje sobu źěłaś. Te by dejali pśiś ze wšych stronow župy, teke z grodkojskich, lubinskich a lubnjojskich.

Rowno tak pyta župa za kandidatami, ako by mógali sobu źěłaś w nowem Zwězkowem pśedsedaŕstwje Domowiny, ako dej se rowno tak pśiduce lěto wuzwóliś. Dogromady šesć cłonkow z Dolneje Łužyce jo w toś tom wažnem gremiumje zastupjonych. Jaden z nich jo zastupny pśedsedaŕ Domowiny – něnto dr. Hartmut Leipner.

Nowe towaristwo

w župje