Dolnoserbski cerkwiny rěcny rum we wobłuku EKBO jo dalej stabilny. Južo lětźasetki dłujko raźijo se organizatoram dolnoserbskego cerkwinego žywjenja, nanejmjenjej raz wob mjasec kazaś na namšu w dolnoserbskej rěcy respektiwnje na dwójorěcnu nimsko-dolnoserbsku namšu. Łoni jo jich było 15, z nich 4 cysto serbske a 11 dwójorěcnych serbsko-nimskich. Za lěto 2025 jo južo 13 planowanych namšow w pratyji zapisanych, jo wózjawił stary a nowy pśedsedaŕ Spěchowańskego towaristwa za serbsku rěc w cerkwi z.t. dr. Hartmut S. Leipner pó wuzwólenju nowego pśedsedaŕstwa kóńc nowembra. Towaristwo licy tuchylu 44 cłonkow. To jo pśirost wó źaseś nowych cłonkow w běgu zajźoneje wólbneje periody.

Chtož co se nadrobnjej informěrowaś wó šyrokej źěłabnosći 1994 załožonego spěchowańskego towaristwa a wót lěta 1988 statkujuceje źěłoweje kupki Serbska namša, daśi cyta w seśi na internetowem boku www.serby-ekbo.de.